الحكايه مش حكايه جلسه بتاخدها مع حد تفضفض معاه ع مشكله بتمر بيها لاااااا

الحكايه انك بتقعد مع حكيم متخصص اوي في انه يكمل الثغرات اللي جوه نفسك بعبقريه رهيبه حسب اولوياتك واحتياجاتك

بشكر من قلبي لاخر يوم في عمري معلمي استاذ بسام الخوري علي كل حرف علمه لي لانه اقسم بالله وحياة بنتي انا حياتي بدأت واستمتاعي بالحياه وانطلاقي بالحياه بدأ بعد رحلة الجلسات دي خلتني لي بصمة ووجود وشخص مؤثر وبقا لقبي باعثة الامل للملايين بعد ماكنت بموت من الالم وبقا لقبي جوة مجلس النواب النائبة صاحبة الطاقه الايجابيه لان كان لي عظيم الشرف اني امثل ذوي الهمم ف البرلمان المصري 👌👌

واهم حلم حققته بعد الجلسات دي حلم الامومه لاني عشت في مجتمع كان شايف اننا ع كرسي متحرك وازاي هربي ولادي وانا ع كرسي متحرك 🧑‍🦽🧑‍🦽ومين هيرضي اصلا ببنت ع كرسي وبعد اول جلستين تلاته اتقالت لي جمله غيرتني لو المجتمع شايفك علي كرسي ياتري ربنا شايفك ازاي 🤔🤔

ووقتها تقبلت نفسي وحبيتها وثقتي بقت ف السما وبقيت ام لاجمل بنوته كارما اجمل ونيس استحقيته من ربنا بعد رحلة وحدة كانت هتقتلتي وربنا مش هينسي اللي قدمته لي معلمي الغالي (ومن احياها فكأنما احيا الناس جميعا انصح من قلبي ❤️اي حد حابب يكتشف نفسه مهما كان عمره ومهما كانت ظروفه ومهما كان وضعه يخوض بقوه تجربة الجلسات دي ومش تنسو تدعولي بعدها

اقسم بالله اللي قولته ده ولا نقطه في بحر اللي اخدته واللي حصل لي مع الجلسات فأصعب حاجة انك تعبر عن معجزات حصلت ليك بكام سطر بتكتبهم بس اللي مريح قلبي ومفرحني ان ربنا شاهد ع كل حرف كتبته